Desa Prigi

Kepengurusan Surat Menyurat/ Pengantar Desa...?

Seng pan gawe Surat Pengantar Desa jelase sampeyan teka ning Bale Desa karo gawa KTP/ FC KTP/ KK/ FC KK nemoni Kasi Pelayanan Desa, terus digenahna kepentingane jaluk surat apa, aja meneng bae, men Kasine genah le gawe surat. Nek kira-kira surat kuwi mengandung Data-data penting aja klelen karo gawa berkas-berkas sing dibutuhna kayadene urusan surat tanah ya kro dicangking sertipikate tanah utawa SPPTne men bisa diconto ninggone surat, nek Surat Kematian ya karo gawa data-datane kematian, nek Surat Pindah ya sing digawa KTP asli, KK asli, FC buku nikah Legalisir (nek rika duwe bojo) lan karo ana data-data kepindahane, terus nek ana dokumen sing ilang utawa kelangan barang ya bisa terus diurus gawe surat kehilangan demen ning pelayanan digenahi apa sing ilang/ kapan ilange/ antarane pas ilang ning ngendi (iki mung surate kehilangan Lur, udu bar laporan terus jaluk liru barang sing ilang lowh), lan pengantar lia-liane.

Terus maning sing cok durong pada patia genah kuwi nek Surat Pengantar Nikah utawane sampeyan pan mbojo, soale lampirane akeh, nah iki madan tak genahi kanggo sing pan gawe Pengantar Nikah ya, sampeyan maring Bale Desa gawa bahan-bahan Lampirane nko Berkas Surate sng gawekna Desa utawa Kasi Pelayanane.

Berkas-berkas Pengantar Nikah:

1. Surat N1 (Pengantar Nikah);
2. Surat N2 (Kehendak Nikah);
3. Surat N4 (Persetujuan Catin);
4. Surat N5 (Ijin Ortu), biasane sing catine usia kurang tekan 25 th;
5. Surat N6 (Kematian Suami/ Istri), biasane sing catine status cerai mati;
6. Pernyataan Status Perkawinan (nek catin isih Lajang);
7. Surat Numpang Nikah (nek si catin pan Nikah ning Luar Desa/ Kec./ Kab. sapiturute);
8. Surat Pengantar Imunisasi Catin (nek si catin pan Nikah isih ning wilayah kec. setempat);
9. Surat N7 (Keterangan Wali Nikah) kusus kanggo catin wanita.

Lampiran-lampiran :

1. FC KTP catin;
2. FC Akte Lahir catin;
3. FC KTP ayah (sing wis almarhum diganti surat kematian);
4. FC KTP ibu (sing wis almarhumah diganti surat kematian);
5. FC buku nikah ortu (wajib kanggo catine wanita);
6. Pas poto setengah badan (resmi, aja selpi mireng-mireng) ukuran 2x3 2 lbr, 4x6 2 lbr (begrone biru);
7. Nek rika statuse cerai hidup karo digawa akte caraine sing asli.

Ana tambahan kanggo sing nggunakna pengantar poin 7 pan Numpang Nikah luar Kec./ Kab./ Sapiturute, brati kabeh berkas Surat wis di tandatangan lan dicap terus Lampiran mau di Potokopi terus kopiane gawa ning KUA setempat, arane jaluk Surat Rekom kan KUA, lah seuwise brati sing asli diwehna ning gone sin pan ditumpangi nikah. Kuwi nek ngurus pengantar nikah pancen madan akeh Lur, mulane seuwise nikah aja pada takon-takon carane ngurus pegatan (mbokan mumeti tur ora ngoberi).

Terus sing genah dipastekna identitas utawa data-datane sampeyan singkron/ pada/ ora osle, sing datane osle ya diurus penyingkronan data supayane gampang kanggone kepentingan-kepentingan segala-gala, aja meneng bae dadi ora ngribeti tiap kepentingan, ngurus penyingkronan data nek pan dinggo ya gugupi, diimut-imut ya Lur.

Kuwi antarane Lur kanggone kepengurusan Surat Pengantar. Terus Kepengurusan kuwi mau gratis Lur, mulane nek bisa teka dewek sing berkentingan ning Bale Desa men lewih genah/ aja apa-apa wakil, kecuali sing makili juga wis paham urusane ya orapapa...